يازمن من وين ما وليت وجهي ينكشف
....................الحزن والهم واجروحي غدت متضاربه
و الرفيق اليوم وجهه لا ابد ما ينعرف
....................لابس ثوب الشجاعه و للاسف ماناسبه
إن بغيت تقول دربك للغلط قام و حلف
....................و الله ان الدرب دربي و الخطا متقاربه
ماشيٍ من خلف شيطانه واكيد بينحرف
....................من تبع قلبه و عاند له رفيق طالبه
وفي زمنا اليوم ربعك خلف مالك تنجرف
....................مايهم إن كنت خاين اوعيونك كاذبه
إن نصحته قال عادي والامر مايختلف
....................وإن بغيته للردى بيجيك يفتل شاربه
احسب انه لصالحي يمشي ولكن للاسف
....................اكتشفت الغدر طبعه والامانه غايبه
يازمن وقف دخيلك صاب هالعالم تلف
....................واكثرية هالخلايق في بعضهم عايبه
ليست هناك تعليقات:
إرسال تعليق